ابو ذيات على محافظات العراق الحبيب

الف وســـــــــــــــــفة الانيقة تنظلم ......... بغداد
سلام الله على باب الحوائج اســــد ........ بغداد
بالارض جنة وروعة سمــــــــــــــــــا ......... بغداد

الشر غير لونهه من بيضة الرمادي
نار الغــــــــــــــــــدرتطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والــــــجود اهل ........ الرمادي


بس لو تصعد للثريا ما تلحگ البصرة
وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المــــوت اعشگ .......... البصرة


تواصلني بأصالتهه وبهواها موصل

سليكون بهواكم لاني عــازل لاني ......... موصل
رحمة الله عل ما گطع رحـمه ودوم ......... موصل
هايم بأرض نبي الله يونس الشگرة ........ موصل


بالغيرة جبل عالي وضميرهم مايوم جف
نشف ريجي وشما ارتوي رد انوب ............ . وجف
مااشبع من زيارةعلي وحب اهل .......ـ.... النجف
گلبي سمچة وتايهه ابـــــــــــــــحر .......... النجف



يأرض العرب ومنبع الدين
شما توفي تضــــل مطــلوب للجبار ............ . دين
اليواسيك بدمعته ترى حـتى الدمعة ........... ديـن
اخذ عروبة وحـــــــــــلم من صلاح ............ . الدين


اهل چلمة وبيـــــــــــــــــهم الوفى حله
حبيبي مرافگ الزغـــــــــران وترك ............ .. حله
بالك تحرم شــــي الله بجلاله امر ............ .. حله
يالتسئل على الــــــــحلو ترى الحلو ............ ... الحلة


شافت ضيم وقهروفوگ القهر بله
گلبك لا يجــــــــــــــف وبرقتك دوم ............ .. بله
وهلدمعة عالـــــــــــــــجره برض ............ كربله
اسودت بوجه الحسين ونجمعت كرب.......... وبله

لامامي مابطل زيارته ومد ايدي اله
المدي ايده ما ستنكف منمد ............ ايدي اله
ونطي وجه ريان مثل برتقال ............ . ديـــــــالى
ثلث الطگ للـــــوطن وثلثين ............ لديالــــــــى


صرح هيبداخلي ومبنية عمارة
قيمة البشر مو فلوس وسـيارة ............ وعمارة
البشرللموت يمشي شما طالت .......... عمارة
مدرسة غيرة وزلــــــــــــــم ارض .......... العمارة


للحگ فزعو فرد فزعة وكلهم ناصرينة
ثلة ارجــــــــــالسبعين لحسين ......... ناصرينه
اما من نـــــــــــــــــــــــاصر وقلة .......... ناصرينه
بالرجال مجربة كـــــــــــــــــدهه ......... الناصرية


اخلاقها بالعرف مضيف وديوانية
ضيفي اله عيــــــــــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصدارض الــــــــــــعاصمة مر........ بالديوانية


تلگاها ابية نفس هي مثل كركوك
جميلة مكـــــــــــــــــــحلة بالنفط ........... كركوك
وعيونا لطــــــــــمع كلهه على ............ كركوك
العرب گالت الي والكرد تتمــنى ............ . كركوك

تندرج لقليمهم وتصبح مثل اربيل
حر البصــــــــــــرة ماينحمل ومعتدلة.......... اربيل
طبيعة وبالشـــــــــــــــــــــــــكل اوربا ......... اربيل
اريد انشدكم ياعرب هم عدكم نفس ......... اربيل

عروس الوطن ومكمل حسنهه السليمانية
مغرورة بحلاوتهه حگـــــــــــــــــــــها ...... السليمانيةاتفك
الصدربسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية
لو ما هي ما حلت بعيوني بغداد